Liedtexte

• Zuletzt stirbt die Hoffnung
• Loss mer singe !
• Kölsche Jung
• Die kleine Saache
• Ich han nen Deckel
• EN UNSEREM VEEDEL
• 12 Sekunde Jlöck
• WENN ET LEECH USJING EM ROXY

Zuletzt stirbt die Hoffnung

( T. u. M.: W. Anton)
It wor e Mädche vun fass 40 un it daach sich eines Daachs it möht ne Mann hann.
Nur wor et Rösje e Mimösje un su stunden och de Kähls nit en d’r Schlang aan.
It hatt en Fründin , dat hieß Rita un do jingk et anders zo.
Dat kräht vür lauter Kähls off d’r Düür schon nit mie zo.
Nur wör et Rita nit et Rita, dät et op esu e Elend keine Rot han.
Refr.: Zuletzt stirbt die Hoffnung, die Hoffnung stirbt zuletzt.
Jetz pack se dir am Fraß un halt dich jod dran fest.
Zuletzt stirbt die Hoffnung, die Hoffnung stirbt zuletzt.
Jetz pack se dir am Fraß ävver halt dich jod dran fest.
Hä hat et Vördiplom jeschmisse, sich an d’r Thek sulang verschlisse bes d’r Arzt kom
Un noch em Koma dät hä schwöre bei all dä Hillije, die he lävve, dat jetz Schluß wör.
Hä kannt e Mädche, dat hieß Rita un do jingk hä schon ens hin.
Dat leed in für e paar Mark schon ens ne Sonnekönig sin.
Nur wör et Rita nit et Rita, dät et op esu e Elend keine Rot han.
Refrain
Dann kom die Sommernaach, wo hä it setze soh
in dem Cafe om Ring un do woot et im esu kloor.
Hä hat e Aug op it jeworfe un it do jenau jetroffe, wo et Hätz wor
Un do drop wor it su verschrocke, weil et Hätz sich hat vertrocke un en d’r Botz looch
Et Rita kom vorbei un it nohm it bei d’r Hand
Und saat dä Jong ess jot un für dich de richtije Mann.
Und drei Daach späder soch me die zwei eng ömschlunge
en d’r Südkurv beim F.C. stonn
Refrain

Loss mer singe !

( Text und Musik: Wolfgang Anton)
Jetz sin mer all widder he
wie schnell su e Johr doch vergeiht
op vun noh oder fähn
jede trick et he hin
öm widder met dobei ze sin.
Refrain
Et es doch immer widder schön
wenn me all zosamme sin
un mer singe all die Leeder
die me vun Kindheit an schon kennt.
Esu e wunderschön Geföhl
kritt m’r he schnell, wenn mer’t nur will
un mer singe all die Leeder
vun dem ahle Mann, jo un och dat vum Veedel.
Es die Luff en d‘r Kneip esch zom schnigge,
dann kritt mer dat Geföhl wat mer bruch.
Et jitt kein Stadt op dr Äät
wo et bekloppter zu geiht.
Kölle jeiht uns unger de Huk !
Refr.
Ich stonn op die Sproch un die Minsche
ich stonn op die Art wie me laach
ich stonn op dä Wetz, dä et söns nirjens jitt
ich stonn op die esch kölsche Art.
Et es doch immer widder schön...

Kölsche Jung

( Text und Musik : Wolfgang Anton)
Dunn noch ens zwei für dich un mich
mich hätt et hück janz fi ess erwisch
ich ben hück jett komich melancholisch drop
läsch vun d’r Fööss doch „et Veedel“ noch ens op.
Oh levven Herrjott, ob e Wort,
wat häss do nur met mir jemaat ?
ich weiß weder us, noch weiß ich en.
Denn ich renn jetz schon em Sommer
met enner Pappnaas eröm
un ben esu stolz ne kölsche Jung zo sin
Denn ich renn jetz schon em Sommer
met enner Pappnaas eröm
un ben esu stolz ne kölche Jung ze sin.
Lei,lei,lei lei,lei,......
Nä, dat Jeföhl leed mir kein Rauh
dat irjendjett anders met mir wor
em Spidol laach sich d’r Doktor half kapott
un meint, ich hätt e Hätzje met ner Pappnaas
un zwei Türmche bovven drop.
Oh levven Herrjott, ob e Wort,
wat häss do nur met mir jemaat ?
Hochdeutsche Mitsingmelodie Lei,lei,lei lei,lei,......
Oh levven Herrjott, ob e Wort,….

Die kleine Saache

(Bläck Fööss)
Et sin die kleine Saache
wenn de su an Kölle denks,
die dir et Heimweh maache,
wenn de en d'r Welt römhängs.
E Schwätzje he un e Schwätzje do
un an d'r Thek ne jecke Verzäll.
Op e Bier waats de nit en halve Stund,
e Kölsch jezapp es schnell.
Für Fründe es un bliev mer d'r Jung,
och wenn de op die 100 anjeis.
Un ganz Kölle jöck et en de Fööss,
wenn et Trömmelche jeit.
Et sin die kleine Saache
wenn de su an Kölle denks,
die dir et Heimweh maache,
wenn de en d'r Welt römhängs.
Ne jestandene Kääl als Jungfrau,
dat es bei uns he janz normal.
Dä Ress d'r Republik, dä denk:
Die han se nit mih all.
Un vielleich han se Räch
un mir sin all beklopp,
dat es uns och ejal.
Un ejal wie verdötsch un knatschjeck einer es,
op et Hätz, do kütt et he an.
Et sin die kleine Saache
wenn de su an Kölle denks,
die dir et Heimweh maache,
wenn de en d'r Welt römhängs.
Du häs keine Koffer en Berlin,
du häs noch ene Deckel beim Franz.
Och wenn de't nit jläuvs,
du wees et schon sin,
et es wirklich wohr:
"NIEMOLS - JEIT MER SU JANZ"
Et sin die kleine Saache
wenn de su an Kölle denks,
die dir et Heimweh maache,
wenn de en d'r Welt römhängs.

Ich han nen Deckel

(Bläck Fööss)
Ich hann nen Deckel, do stonn noch 10,80 drop.
Der litt en Kölle, en minger Kneip beim Struthse Jupp.
Ich hann domols nit dran jedaach, moot noch fott en de selve Naach
un ich fuhr noh Berlin met d’r Bahn, do fi ng ich en neue Arbeet an.
Berlin is ne Wolke su stund et en de Zeidung drin.
He kann mer levve kumm her zu uns, Berlin is in.
Am Daach verdeent mer vell mie als zo huss
un des Naaks jon de Lampe niemols us
dröm ben ich jetz he in dä Stadt doch mer fählt he irjendjett, ichweiß nit wat
Ich hätt niemols, niemols jedaach,
dat ich su of an Kölle denke muß
Ich hann Fründe un alles, et jeit mer och nit schlääch,
ävver trotzdem do kummen ich he off nit zoräsch.
Ich hann nen Deckel, do stonn noch 10,80 drop.
Der litt en Kölle, en minger Kneip beim Struthse Jupp.
Nächsten Mond, wenn ich Urlaub mach will, ich sin, dat ichvierzehn Dach
fahre kann, et es zwar koot, doch ich hann ne Jrund, dat ich ne neue Deckel mache kann
Ref 2
Ich hätt niemols, niemols jedach,
dat ich Kölle su jän mach
Denn Kölle das is die Stadt
wo ich jroß jewoden ben
Un irjendwan muß ich dann,
wenn ich kann, widder hin

EN UNSEREM VEEDEL

(Bläck Fööss)
Wie soll dat nur wigger jonn? Wat bliev dann hück noch ston?
Die Hüsjer un Jasse, die Stündcher beim Klaafe. Es dat vorbei?
En d‘r Weetschaff of d‘r Eck ston die Männer an d‘r Thek.
Die Fraulückcher setze beim Schwätzje zosamme. Es dat vorbei?
Wat och passeet, dat eine es doch klor:
Et schönste, wat m‘r han, schon all die lange Johr, es unser Veedel.
Denn he hält m‘r zosamme, ejal, wat och passeet, en unserem Veedel.
Uns Pänz, die spille nit em Jras. Un fällt ens einer op de Nas,
die Bühle un Schramme, die fl eck m‘r zosamme, dann es et vorbei.
Wat och passeet, dat eine es doch klor:….
Dat es doch klor: Mer blieven, wo mer sin, schon all die lange Johr,
en unserem Veedel. Denn he hält m‘r zosamme,
ejal, wat och passeet. En unserem Veedel.

12 Sekunde Jlöck

(M/T : W. Anton)
Drink met mir op die Schüss
op dat et jod jelunge es
op dä Spass un och dä Stress
un wie et Levve halt su es
Op dat kumme un et jon,
op dat sich widder ens verstonn,
op dat erop un et eraff
un dat mer’t noch ens hätt jeschaff
Op die Leeder, die mer schriev
Un dobei für sich begriev
Dat em Levve noch lang nit alles bliev
Op die Leeder, die mer hürt
Wenn mer’t allein sin richtig spürt
Un sich dobei dann doch jett besser föhlt
Loss mer danke all der Schüss
für die Zick, die mer vermiss.
für dat Jezänk, wat mer jehatt
un och für all dat sööss Jeschwaads
Für die 12 Sekunde Jlöck,
für die mer sich jemaat verrück,
op die Kneipe en d’r Naach
un dem Franz sing dreckelije Laach
Op die Leeder, die mer schriev...

WENN ET LEECH USJING EM ROXY

(T. und M. : W. Anton/ Lückerath)
Et Schmitz Marie wor minge Schwarm.
Jo un ich dät et frore ob et jän
met en et Kino köm, et jöv ne Liebesfi lm.
Doch et Marie woss janz jenau öm wat et jing.
Denn wenn et Leech usjing em Roxy,
hatte mer schnell e Kääzje ston.
All die Mädche un die Junge
soße, loge äng ömschlunge
hingen en d‘r letzte Reih.
Un wenn dann jeder singem Mädche
unger et wieße Blüsje jing,
do hatten mir och schnell kapeet,
öm wat et noch em Levve jeiht,
usser Fußball un Karl May.
Doch et Marie sat leider „nä“.
Un wie durch Zufall kom et Lisbett vorbei.
Et wor nit jrad ne Schoss, op dä mer fl eje muss,
doch wenn es dunkel wird sind alle Mädche schön.
Denn wenn et Leech usjing em Roxy,…
Ävver irjendwann jing em Roxy dann et Leech für immer us.
un sei mahten dann, wie övverall, ne Supermaat dodrus.
Ming Einkäuf maach ich hück mem Liss,
un en dem Lade, wo dä Supermaat es,steit et Marieche röm, et es hück Verkäuferin
an d‘r Wooschthek janz hingendurch en d‘r letzten Reih.
Denn wenn et Leech usjing em Roxy,…
öm Messwing en d‘r Sakristei.